Life for Rent

返hall 幫Reg day手，我無o野做丫嘛，想返工都未有得返，百無聊賴要俾ｄo野自己做。
搭緊車返去o個下有d 驚，原來我好耐無做過呢d o野啦，感覺自己唔ready，無心理準備。
返到去，更加覺得自己，真係老啦。
Reg day係新生入學，其實我鍾意見到，大家朝氣勃勃，覺得好有energy，能夠成為接觸佢地o既人，我感覺榮幸，但我已經無辦法朝氣勃勃啦。諗返起，o個個無限通頂、擁有支力都唔駛訓祕技o既我，只不過係兩三個月前o既事。
諗起我地支莊o個年o既出擊策略、手作時睇住朗豪坊得據點得天下個廣告、金交剪剪紙，諗起上年做到朝早六點同小鳳攝出舊校返hall八點再作戰、Peter 六點出現o係G1個樣，我地好靚o個個牌坊，其實我諗返仍然覺得好開心。
on show繼續bilibala o既同時，我feel到自己從心入面支力出來，當同一番說話講過Ｎ次講第三年，真係講講下自己都會嘔。其實返到來，你估真係幫手咩，睇下班嚴格來講唔係我湊o既下下莊，呢班已經建立左關係o既人，幾時都話，人先係個核心，而其他o野，控制到控制唔到，都唔關我呢個升左仙o既人事架啦，點都好啦，我只記得當年o既yang hall 當年o既我地，已經夠啦。
我諗我需要o既係我班莊員同我玩押韻o卦。