我分唔到自己說話當中究竟有幾多包含怪責意味，但我無咁意思，只係俾呢段我講o野o既時間，俾呢個機會你去令我心情變得好返，呢個過程我覺得自己好愚蠢，邊個會知邊個會care，結果失望而回，我終有一次會唔再恢復希望，怪我係一個太積極o既人，我夠厭倦呢種循環，係，我同意講o黎無意思，係解決唔到，同一個問題，因為我一直要o既我都得唔到。我都唔知終有一日呢句說話係同自己講定同人地講，唔知道我呢句說話究竟係俾自己一個愚蠢o既下台階，只係實在我希望得到同樣o既容忍同諒解，當我見唔到容忍同諒解o既時候我就會問點解我要俾，和諧因此而暫停，但我點解要用我唔明白o既不對等而換來和諧，終有一日我會唔回頭，我會唔再俾呢個解決我心情o既機會，然後一切歸零，講得太多警覺性亦失效，但呢個唔係手段，我唔需要呢句說話有太多o既警覺性，我只視之為反映現實狀態下可能性o既陳述。而好遺憾我想像到我講完呢句說話後o既回應，又係我問題，我唔夠寬宏大量，真正o既寬宏大量係戇Q地容許別人o既唔寬宏大量，就好似問題只會出現o係我身上、除左我自己無第二個解決方法一樣。係，我認我講咁多o野代表仍然存在一絲希望，希望一切唔係好似我想像中咁，希望終於發現問題唔單只出現o係我一個人身上，而我道出呢個希望，其實亦因為，我開始覺得無咁o既希望實現o既可能。
請先 登入 以發表留言。