Life for Rent

搵屋搬真係唔係咁輕鬆o既事，雖然其實我乜鬼都冇做過，亦無打算將所有o野從屋企移走，如果唔係我估我早就崩潰。

我基本上已經覺得好煩，主要原因係我搬所被詮釋出來o既意義同我原來諗o既真係差天共地，我只可以話世界上人與人之間溝通o既誤會時有發生，並且無可倖免，要怪o既只可以怪社會上道德上對大部份事物所作o既定義過於狹窄，我之所以話係大部份事物，係因為我碰到o既多數都唔o岩，而我未碰到o既我唔知咁解，例如唔好同我講女仔會蝕底，ok，我幾時無左忽肉我自己知，例如唔好同我講要搵個人付託終生，妖，我有手有腳又唔係癱o既，我夠膽話我唔結婚唔生仔都可以安享晚年，你可以話我呢一代對性關係睇得輕率平常，我會問點解你地個代對性關係抑壓同禁忌，而我又想知，點解你唔可以理解我對愛情關係o既謹慎同小心，可以證明我對性睇得有幾咁神奇神聖，其實我真係無辦法因為一d我唔認同、虛無縹緲又食唔飽o既道德觀而令自己肉體上受苦時間上o既浪費生活o既糟蹋，我其實將一切已經睇得好實際，如果我唔趁呢幾年捱下我遲ｄ有負累就真係得個捱字，我選擇天水圍呢條路係一個青春消逝、對未來對夢想保守進取o既一個決定，其實明明知我理想唔係教書，我只係想有個保障，身邊人過得好d 我要去計劃夢想都安心ｄ，我已經無辦法一往無前，而又被誤會為年少輕狂，我會好傷心，更甚係對我判斷同智慧o既輕蔑。