Life for Rent

介唔介意唔好再遊魂
今日係遊魂日

一、早左出門口，好高興咁去搭巴士，9點正落車，去到公司樓下9點一，等lift，阿head 9點2出現o係我隔離，全身打量我然後講早晨。值得注意o既係，佢本來係返9點半，我返9點。
二、組長同我傾我負責o個part o既細節，原來有ｄ文件email左俾我，我忘記左睇。加埋辭不達意，好似食左屎咁。當然無人會怪我o既，不過自己想憾頭埋牆咁解。
三、今日真係好眼訓，食飯時已經食到有氣無力好似嘔咁，食飽訓晏覺，o岩o岩好冇訓過籠，但坐起身照恰。
四、組長前排email左問我去唔去training，原來佢話個training係for略有審稿經驗o既同事，所以我實在唔敢去，然後發現個個都去咁滯，妖，咁我去囉。又一次，我好似有outlook障礙，永遠唔能夠o係outlook道搵到我要o既email。

又，一、三o個份補習我決定唔補，即係前一篇勁屌o個份，一來係我需要休息，二來唔鍾意補不信任我o既家長，三來打算搵多份補中學兼一星期一日的。教中學o個兩份不知教得幾自在，小學仔我真係唔得。

呢排暈住咁過日子，我覺得我問題係需要陽光，但我只得薄荷膏，塗o係個鼻邊醒住神叫吊住命先。尋日先俾師兄話我坐起道睇住份稿好似入定咁，我幾時先可以精靈返？

我都唔係好想咁樣言不及義，問題係近來精神生活乏善可陳，縱使係有ｄ事件係身邊飄過都過慮唔來。惟有期待下學期o既來臨，又驚自己期望過高。

好喇，懺悔完繼續做o野。