Life for Rent

我屌
好鬼炆憎！
一炆憎就乜Q都唔想講，氣結，係非常生動O既形容。
我係咪真係咁唔可信呢？連補習o靚仔都恰我？
冇教書好似失去左鬧人O既能力咁，我不嬲鬧人唔駛經大腦架喎
當初就係因為，唔想日日好似鬥爭咁，
我先唔教書，呢個理由，放O係我身上好似好吊詭咁
明明我叻鬧人叻串咀，先至管得掂班學生，
為左唔想鬥爭，而唔教書，我結果要搵補習去幫補學費，
依家，又因為去補習，所以又要鬧人
屌，其實我好善良架
講返補習O靚仔，教佢作文，問佢一D引發思考o既問題，
叫佢用一D修辭手法，我經已經循循善誘架啦
叫佢寫啦，佢同我講話，「唔駛啦」
屌咁唔撚駛補添啦
我鍾意教大個D，我可以講D好深遠O既理由，
明佢實明，爭在buy唔buy，
人生取態o既o野從來我都唔干涉人地
但呢D豆丁，平時又要氹，氹完又要講得生動有趣
講完啦，「唔駛啦」！
明唔明我O個下真係Ｏ左咀
同林先生講，佢話，我唔夠勢
如果俾著係佢，就算佢講錯個O靚仔都唔夠膽出聲