Life for Rent

對我長期缺乏睇書耐性o既呢一段日子，我感到非常不滿。

由quit hall到依家，我好似無認真睇過一本書、思考過、甚至無認真咁食過一餐飯。

睇戲唔算架，因為電影最多咪兩個鐘，視覺聽覺乜娛樂到齊哂，就算睇完，你唔認真思考都係吹你唔漲。更何況，自己睇返豆瓣都覺得，我呢個月睇d 戲，未免太言不及義。

我都話我呢ｄ真係名副其實o既「一日不做事一日不吃飯」，因為個人無郁過個腦無轉過，所以其實係唔消耗，唔駛食飯，我懷念做papers o個時一日到黑刻住個餓字o係個頭到o個時。一直覺得自己身體同靈性o既連接非常敏感，身體可以反映靈魂，而身體所感受o既，那怕只係一點細微o既變化，又敏銳地化為內在，所以一直自覺努力滿足物慾生活如同靈修。yr 1應該係我最食得瘋狂o既日子，因為個人乜到無，渴望o既o野太多，對生命慾望太大，身心都處於餓o既狀態，無論個人食得幾飽都係唔夠唔夠，新仔o既熱情。後來我發現自己開始掌握到一ｄo野，開始付諸實行，將食o既熱情轉投學習同工作，我覺得我人生最有希望最朝氣o既日子應該係yr 2。

明明講緊睇書，做乜講食。如果要具體形容我呢段無睇書o既狀態，我會話，係明明肚餓餓到胃抽筋，又心理上無胃口，但又陷入知道唔食o野會死o既恐慌。因為呢種餓，又反射到身體，唔敢俾腸胃滿足，就好似知道呢個世界另一個角落有人受緊苦，食飯多過兩個送都會有罪疚感咁。旁人只會見到我真係無食飯，阿媽成日都話我一日食一餐會死，我口話邊有咁易死，實質係知道，心靈o既餓係唔會死，我只會為自己無盡力而內疚一世。

話時話，我下個星期終於要返學校開d 無錢收o既會，但願新衝擊，不論好壞，至少係衝擊。